Mahmud Kaşğarinin tədqiqat metodu

Azərbaycan, ümumən türk dilçiliyində professor, Azərbaycan EA-nın müxbir üzvü Ə.M.Dəmirçizadənin APİ- nin «Elmi əsərləri”ndə (1966, № 1) çap olunmuş məşhur məqaləsindən sonra belə bir yanlış fikir meydana çıxmışdır ki, guya Mahmud Kaşğari müqayisəli-tarixi metodun banisidir. Məqalə müəllifi hətta ümumi dilçilik dərsliklərinə düşmüş bu fikri təkzib edərək göstərir ki, “Divani- lüğat it- türk” orta əsrlər ərəb-müsəlman dilçiliyi üçün səciyyəvi olan ənənəvi təsviri metodla qələmə alınmış, həmin metodun hüdudundan kənara çıxmayan geniş müqayisələr aparılmışdır.